Вёску Лучны Мост Бярэзінскага раёна вяскоўцы паміж сабой называюць Барысы. Большая частка сямей, якія пражывалі тут у сярэдзіне мінулага стагоддзя, насілі падобнае прозвішча. Хутчэй, гэта быў хутар, зрэшты, як і цяпер. Пра савецкага і беларускага фізіка, дзяржаўнага і грамадскага дзеяча, акадэміка АН СССР, акадэміка АН БССР, акадэміка РАН, прэзідэнта АН БССР Мікалая Аляксандравіча Барысевіча, што родам з гэтых местаў, распавядае яго родная сястра Раіса Аляксандраўна Паркалава.

За сваю амаль паўвекавую гісторыю просты хлапчук с сялянскай сям’і прайшоў вялікі цярністы і складаны шлях ад звычайнага гарбара да кіраўніка Часовага рабоча-сялянскага ўрада і аўтара Маніфеста аб абвяшчэнні ССРБ. Патрапіўшы ў спіс «ворагаў народа», ён скончыў сваё жыццё ў псіхіятрычнай бальніцы. Сумленнае імя беларускаму паэту і пісьменніку, рэдактару газеты «Савецкая Беларусь» і часопіса «Полымя», дырэктару Дзяржаўнага выдавецтва БССР і Дзяржаўнага архіва БССР, загадчыку Дзяржвыдавецтва, намесніку народнага камісара адукацыі БССР, сябру Інбелкульта, а потым і акадэміку АН БССР, члену ЦВК БССР Дзмітрыю Жылуновічу, альбо Цішку Гартнаму, цалкам вярнулі толькі пасля яго поўнай рэабілітацыі ў 1988 годзе.